"Борнмут" ҳимоячи Адриен Трюфферни ўз сафига қўшиб олганини эълон қилди.
Трюффер АПЛга кўчиб ўтганидан хурсандлигини яширмаяпти.
"Бу мен учун муҳим қадам. Дастлабки музокаралардаёқ клубдаги ишончни ҳис қилганман. Бу ерда улкан лойиҳа қурилмоқда ва мен унинг бир қисми бўлишдан бахтиёрман. Премьер-лигада ўйнаш ҳар қандай футболчининг мақсади. Бу дунёдаги энг рақобатбардош чемпионатлардан бири ва мен ўзимни шу даражада синаб кўриш имкониятини интиқлик билан кутмоқдаман," - деди футболчи.
23 ёшли француз "Ренн"ни тарк этди ва инглиз клуби билан 5 йиллик шартнома имзолади.
