Ўзбекистон терма жамоаси ва Москванинг “ЦСКА” клуби ярим ҳимоячиси Аббосбек Файзуллаев фаолиятини Англия Премьер Лигасида давом эттириши мумкин. Telegramдаги Спартак Информ нашри тарқатган хабарга кўра, футболчи “Вулверҳэмптон”нинг ёзги трансфер ойнасида харид қилмоқчи бўлган футболчилар рўйхатидан жой олган.

ОАВда тарқалган фотода клуб ёзги трансфер ойнасида таркибини кучайтириш учун бир нечта номзод футболчиларнинг исми тузиб чиққан. Улар орасида Аббосбек Файзуллаев ҳам бор. Ҳамюртимиз ҳужум ортида позициясига мўлжалланмоқда.

Шунингдек, ушбу рўйхатда Россия чемпионатида тўп сураётган бир қанча футболчиларнинг исми ҳам қайд этилган. Хусусан, Москванинг “Спартак” жамоасида ҳаракат қилаётган коста-рикалик ҳужумчи Манфред Угалде, “Динамо” (Махачқала) футболчиси — эронлик ҳужумкор ярим ҳимоячи Муҳаммад Жавод Ҳусайннажод ҳамда “Зенит” (Санкт-Петербург) футболчиси Ренаннинг номлари рўйхатда бор.

Маълумот учун, Аббос Файзуллаев 2024/25 йилги мавсум Россия Премьер Лигаси доирасида 27 ўйинда майдонга тушиб, ўз ҳисобига 2 та гол ва 4 та голли узатма ёздириб қўйди.

“ЦСКА” Россия чемпионатини 3-ўринда якунлади. “Армиячилар” 1 июнь, якшанба куни Россия Кубоги суперфиналида “Ростов”га қарши ўйнади ва пенальтилар сериясида ғалаба қозониб, бош совринга эга чиқди.