"Тоттенхэм"нинг собиқ дарвозабони ва сардори Уго Льорис "шпорлар" ўтган мавсумда 16 йил ичида илк совринни қўлга киритган Анге Постекоглунинг кутилмаганда истеъфога чиқарилганига муносабат билдирди.
"Футбол анчадан бери мени ҳеч нарса билан ҳайратлантира олмаяпти. Клуб ичида нималар бўлганини батафсил билмайман. Аммо агар шундай қарор қабул қилинган бўлса, демак, раҳбарият бу олдинга ташланган қадам эканлигига ишонади. Нима бўлганда ҳам, Анге катта ҳурматга лойиқ - у жамоага соврин, ҳиссиётлар, олдинга силжиш ҳиссини берди. Мухлислар буни қадрлашади," - деди Льорис Goal нашрига берган интервьюсида.
