"Tottenxem"ning sobiq darvozaboni va sardori Ugo Lyoris "shporlar" o‘tgan mavsumda 16 yil ichida ilk sovrinni qo‘lga kiritgan Ange Postekogluning kutilmaganda iste’foga chiqarilganiga munosabat bildirdi.
"Futbol anchadan beri meni hech narsa bilan hayratlantira olmayapti. Klub ichida nimalar bo‘lganini batafsil bilmayman. Ammo agar shunday qaror qabul qilingan bo‘lsa, demak, rahbariyat bu oldinga tashlangan qadam ekanligiga ishonadi. Nima bo‘lganda ham, Ange katta hurmatga loyiq - u jamoaga sovrin, hissiyotlar, oldinga siljish hissini berdi. Muxlislar buni qadrlashadi," - dedi Lyoris Goal nashriga bergan intervyusida.
