Англиянинг "Вест Хэм" клуби Бразилиянинг "Ботафого" клуби форварди Игор Жезус хизматига қизиқиш билдирмоқда ва ушбу трансфер ойнасида у билан шартнома имзоламоқчи. Бу ҳақда Fichajes хабар бермоқда.
Футболчи "Коритиба"да ўзини кўрсатди, шундан сўнг у Яқин Шарққа кўчиб ўтди. "Шабаб Ал-Аҳли"да 4 йилга яқин вақт ўтказгандан сўнг, у Бразилияга қайтиб келди. "Ботафого"га ўтиш унинг фойдасига ишлади, чунки у жамоанинг асосий фигурасига айланди. Жезус 56 та ўйинда майдонга тушиб, жамоасининг 22 та голига (16 та гол ва 6 та голли узатма) ҳисса қўшган.
Қайд этилишича, 15 миллион еврога баҳоланаётган Жезус бир вақтнинг ўзида бир неча позицияда ўйнай олади.
