Анчадан буён Виктор Осимхеннинг "Челси"га ўтиши ғоясини илгари сураётган таниқли собиқ футболчи Жон Оби Микель бу трансфер амалга ошмаслигига кўникиб қолгандек.
"Кўклар" "Ипсвич"дан сотиб олинган ҳужумчи Лиам Делап билан ҳужумни кучайтирди. Лондонликлар сафидаги дебют ўйинида янги футболчи голли узатмани амалга оширди ва клублар ўртасидаги Жаҳон чемпионати гуруҳ босқичининг биринчи турида "Лос-Анжелес"ни мағлуб этишга ёрдам берди (2:0).
"Челси"га вазиятлардан фойдалана оладиган футболчи керак эди. Кўриниб турибдики, Делап мухлислар кутган йигит эмас. Биламиз, улар Виктор Осимхенни кутишганди, лекин у келмади. Лиам ёш ўйинчи, у яхшиланади. Умид қиламанки, у танқидларга муносиб жавоб беради. Унга "Челси"да муваффақиятлар тилайман," - деди Оби Микель DAZN студиясида.
