Anchadan buyon Viktor Osimxenning "Chelsi"ga o‘tishi g‘oyasini ilgari surayotgan taniqli sobiq futbolchi Jon Obi Mikel bu transfer amalga oshmasligiga ko‘nikib qolgandek.
"Ko‘klar" "Ipsvich"dan sotib olingan hujumchi Liam Delap bilan hujumni kuchaytirdi. Londonliklar safidagi debyut o‘yinida yangi futbolchi golli uzatmani amalga oshirdi va klublar o‘rtasidagi Jahon chempionati guruh bosqichining birinchi turida "Los-Anjeles"ni mag‘lub etishga yordam berdi (2:0).
"Chelsi"ga vaziyatlardan foydalana oladigan futbolchi kerak edi. Ko‘rinib turibdiki, Delap muxlislar kutgan yigit emas. Bilamiz, ular Viktor Osimxenni kutishgandi, lekin u kelmadi. Liam yosh o‘yinchi, u yaxshilanadi. Umid qilamanki, u tanqidlarga munosib javob beradi. Unga "Chelsi"da muvaffaqiyatlar tilayman," - dedi Obi Mikel DAZN studiyasida.
