"Ювентус" Лиссабоннинг "Спортинг" клуби ҳужумчиси Виктор Дьёкерешни сотиб олиш учун бир қатор футболчиларини сотувга қўйиши мумкин. Туринликлар учун швециялик футболчининг трансферини амалга ошириш осон бўлмайди, чунки унинг нархи қиммат ва бошқа клублар томонидан рақобат мавжуд.
Corriere Dello Sport хабарига кўра, "кекса синьора" босслари Дьёкереш бўйича келишувни расмийлаштириш учун таркибдаги саккиз нафар футболчи билан хайрлашишга тайёр. Гап Душан Влахович, Дуглас Луис, Самуэль Мбангула, Ллойд Келли, Аркадиуш Милик, Маттиа Перин, Даниэль Ругани ва Филип Костич ҳақида кетмоқда.
"Спортинг" Виктор Дьёкереш учун тахминан 70 млн евро сўрамоқда. 27 ёшли голеадорнинг харидига Лондоннинг "Арсенал" клуби ҳам қизиқиш билдирмоқда.
