"Yuventus" Lissabonning "Sporting" klubi hujumchisi Viktor Dyokereshni sotib olish uchun bir qator futbolchilarini sotuvga qo‘yishi mumkin. Turinliklar uchun shvesiyalik futbolchining transferini amalga oshirish oson bo‘lmaydi, chunki uning narxi qimmat va boshqa klublar tomonidan raqobat mavjud.
Corriere Dello Sport xabariga ko‘ra, "keksa sinyora" bosslari Dyokeresh bo‘yicha kelishuvni rasmiylashtirish uchun tarkibdagi sakkiz nafar futbolchi bilan xayrlashishga tayyor. Gap Dushan Vlaxovich, Duglas Luis, Samuel Mbangula, Lloyd Kelli, Arkadiush Milik, Mattia Perin, Daniel Rugani va Filip Kostich haqida ketmoqda.
"Sporting" Viktor Dyokeresh uchun taxminan 70 mln yevro so‘ramoqda. 27 yoshli goleadorning xaridiga Londonning "Arsenal" klubi ham qiziqish bildirmoqda.













