Испания терма жамоаси ва Мадриднинг "Реал" клуби собиқ футболчиси, ҳозирда Мексиканинг "Монтеррей" клубида тўп тепаётган Серхио Рамос бу йил "Олтин тўп"ни кимга топшириши ҳақида гапирди.
"Мен бу совринни ҳар доим Килиан Мбаппега берган бўлардим. У ўтган мавсумда ажойиб натижалар кўрсатди. Мбаппе кўп гол урди, "Олтин бутса"ни олди, аммо "Реал" титулларни қўлга кирита олмади. Аммо мукофотни ким олишига ҳеч қачон тўлиқ ишониб бўлмайди," - дея Рамоснинг сўзларини келтиради RMC Sport.
Ўтган мавсумда Килиан 56 та ўйин ўтказди. 26 ёшли франциялик ҳужумчи ўз ҳисобига 43 та гол ва бешта голли узатма ёздириб қўйган.
