"Атлетик" вингери Нико Уильямснинг "Барселона" билан имзолаши мумкин бўлган шартномаси тафсилотлари ҳақида маълумот пайдо бўлди.
Foot Mercato нашрининг ёзишича, "Барселона" футболчи билан шахсий меҳнат шартномаси шартлари бўйича дастлабки келишувга эришган. Манбага кўра, Нико Уильямснинг "кўк-анорранглилар" билан шартномаси 2031 йилгача мўлжалланган. Иш ҳақига келсак, 22 ёшли испаниялик йилига 12 миллион евро маош олади, дея таъкидлайди манба.
Уильямс жорий мавсумда барча мусобақаларни қўшиб ҳисоблаганда 45 та учрашувда қатнашиб, 11 та гол урди ва еттита самарали узатма муаллифига айланди.
