"Болонья" клуби марказий ҳимоячиси Жон Лукуми фаолиятини Англия Премьер-лигасида давом эттириши мумкин.
Журналист Николо Скиранинг таъкидлашича, "Борнмут" ва "Астон Вилла" "Рома"нинг янги бош мураббийи Жан Пьеро Гасперинининг асосий трансфер мақсади бўлган Лукуми учун пойгага қўшилган. Бундан ташқари, футболчининг хизматларига "Галатасарой" ҳам қизиқиш билдирмоқда.
Таъкидланишича, "Болонья" Лукумини ҳимоячининг шартномасида кўрсатилган 28 миллион евродан камига қўйиб юбормоқчи эмас.
Бу мавсумда Лукуми барча мусобақаларни ҳисобга олган ҳолда 44 та ўйинда майдонга тушиб, битта гол урди ва битта голли узатмани амалга оширди.
