"Bolonya" klubi markaziy himoyachisi Jon Lukumi faoliyatini Angliya Premyer-ligasida davom ettirishi mumkin.
Jurnalist Nikolo Skiraning ta’kidlashicha, "Bornmut" va "Aston Villa" "Roma"ning yangi bosh murabbiyi Jan Pyero Gasperinining asosiy transfer maqsadi bo‘lgan Lukumi uchun poygaga qo‘shilgan. Bundan tashqari, futbolchining xizmatlariga "Galatasaroy" ham qiziqish bildirmoqda.
Ta’kidlanishicha, "Bolonya" Lukumini himoyachining shartnomasida ko‘rsatilgan 28 million yevrodan kamiga qo‘yib yubormoqchi emas.
Bu mavsumda Lukumi barcha musobaqalarni hisobga olgan holda 44 ta o‘yinda maydonga tushib, bitta gol urdi va bitta golli uzatmani amalga oshirdi.













