Николо Скиранинг маълум қилишича, "Фиорентина"га ўнг қанот ҳимоячиси Давиде Калабрияни ўз сафига қўшиб олиш таклиф қилинган.
"Бинафшалар"нинг ўзи бу трансферга қизиқиш билдиряптими - манба аниқлик киритмаган.
Ҳозирда 28 ёшли футболчи "Болонья" футболчиси ҳисобланади, аммо 1 июлдан эркин агентга айланади.
Эслатиб ўтамиз, Калабрия ўтган мавсумни 2015 йилдан буён тўп тепиб келаётган "Милан"да бошлаган эди. Қишда у бош мураббий Сержиу Консейсау билан зиддиятдан сўнг, ярим йиллик ижара асосида "Болонья"га кўчиб ўтди.
Янги клуб билан у чемпионатда тўққизинчи ўринни эгаллади ва финалда ўша "Милан"ни мағлуб этиб (1:0) Италия кубогини қўлга киритди.
