"Борнмут"нинг чап қанот ҳимоячиси Милош Керкез "Ливерпуль"га ўтишга яқин турибди. Клублар трансфернинг барча шартларини келишиб олишган: журналист Грэм Бейлининг таъкидлашича, "қизиллар" "гилослар"га 40 млн фунт тўлашади, бу 47 млн еврога тенг. Футболчининг ўзи билан ҳам келишувга эришилган.
21 ёшли футболчи ўтган мавсумда "Борнмут" сафида 41 та ўйинда майдонга тушди ва ўз ҳисобига 2 та гол ҳамда 6 та голли узатма ёздириб қўйди. Венгрияликнинг амалдаги шартномаси 2028 йилнинг ярмигача мўлжалланган.













