Мадриднинг "Реал" клуби ҳужумкор ярим ҳимоячиси Браим Диас клубда қолиш ниятида эканини тан олди.
Яқинда футболчи ва "қаймоқранглилар" ўртасида янги шартнома шартлари бўйича келишувга эришилгани маълум бўлди - келишув 2030 йилгача мўлжалланган.
"Янги шартнома? Мен ҳар доим шу ерда қолиб, муваффақиятга эришишни хоҳлаганман - ўйлайманки, ҳаммаси яхши кетмоқда. "Реал" - бу "Реал" дегани," - дея марокашликнинг сўзларини келтиради журналист Альфредо Педулла.
Браим Диас жорий мавсум мадридликлар сафида 52 та ўйинда майдонга тушди ва ўз ҳисобига 6 та гол ҳамда 7 та голли узатма ёздириб қўйди.
