Madridning "Real" klubi hujumkor yarim himoyachisi Braim Dias klubda qolish niyatida ekanini tan oldi.

Yaqinda futbolchi va "qaymoqranglilar" o‘rtasida yangi shartnoma shartlari bo‘yicha kelishuvga erishilgani ma’lum bo‘ldi - kelishuv 2030 yilgacha mo‘ljallangan.

"Yangi shartnoma? Men har doim shu yerda qolib, muvaffaqiyatga erishishni xohlaganman - o‘ylaymanki, hammasi yaxshi ketmoqda. "Real" - bu "Real" degani," - deya marokashlikning so‘zlarini keltiradi jurnalist Alfredo Pedulla.

Braim Dias joriy mavsum madridliklar safida 52 ta o‘yinda maydonga tushdi va o‘z hisobiga 6 ta gol hamda 7 ta golli uzatma yozdirib qo‘ydi.