"Манчестер Сити" ҳужумкор ярим ҳимоячиси Бернарду Силва келаси мавсум ҳам жамоада қолиш-қолмаслигини айтди. Футболчининг "шаҳарликлар" билан шартномаси 2026 йилнинг ёзида якунига етади.

Португалияликнинг сўзларига кўра, у "Манчестер Сити" билан шартномаси тугаганидан кейин нима қилишини аллақачон билади, аммо ҳозир бу ҳақда гапиришнинг вақти эмас, чунки у эътиборини бўлажак мавсумга қаратган.

- Янги мавсумда "Манчестер Сити"да бўлишим аниқ. Мен қоламан. Ўтган йили ҳам, бу йил ҳам вариантларим бор эди, аммо менинг танловим - "Манчестер Сити"да қолиш," - дея Силванинг сўзларини келтиради журналист Бен Жейкобс.