39 ёшли ҳужумчи Эдин Жеко тез орада Италиянинг "Фиорентина" клуби футболчисига айланади. Бу ҳақда инсайдер Фабрицио Романо хабар бермоқда.
Таъкидланишича, Жеко бугун кечқурун Италияга етиб келади, пайшанба куни эса шартнома имзолайди ва "Фиорентина"нинг янги футболчисига айланади. Манбага кўра, меҳнат шартномаси яна бир йилга узайтириш имконияти билан бир мавсумга мўлжалланган бўлади.
Жеко 2024/25 йилги мавсумни "Фенербахче" сафида ўтказди, аммо шартномаси тугагач, жамоани тарк этди. Унинг ҳисобида 53 та ўйин, 21 та гол ва саккизта голли узатма бор.
Transfermarkt маълумотларига кўра, айни дамда Жеко икки миллион еврога баҳоланмоқда.
