"Барселона"нинг янги дарвозабони Жоан Гарсия ўзининг собиқ клуби "Эспаньол" билан хайрлашди.

"Бугун мен 15 ёшимдан бери фаолият юритган клубим — "Эспаньол" билан хайрлашяпман.

Бу йиллар давомида ҳар куни футболчи ва инсон сифатида ривожланишга ҳаракат қилдим. Ҳар доим "Эспаньол" дарвозасини камтарлик, фидойилик ва фахр билан ҳимоя қилдим.

Жамоага ёрдам бериш учун бор кучимни бердим. Бу футболкада майдонга тушиш мен учун фақат ўйин эмас, балки масъулият эди.

Бу қарорни қабул қилиш осон бўлмади. Сиздан уни тушунишингизни сўрамайман, лекин бу қарор узоқ ўйлаб, ўзим, оилам ва келажагимни ҳисобга олган ҳолда қабул қилинганини билишингизни истайман. Бу — якун эмас, балки янги босқич.

Сизлар менга бу клубнинг муҳим бир қисми эканлигимни ҳис қилдингиз. Бу йўл осон бўлмади, лекин ҳар бир дақиқа менга сабоқ бўлди, ўсишга ёрдам берди. Шунинг учун юрагим тўла миннатдорчилик билан кетяпман.

Мен бу рангларни чин дилдан ҳимоя қилдим ва бу доим ғурур манбаи бўлиб қолади.

Энди эса олдимда янги синов турибди. Уни катта иштиёқ билан, аммо орқамда қолган клубимга ҳурмат билан қабул қиламан.

Ҳаммаси учун раҳмат. Албатта, яна кўришамиз", - деб ёзди 24 ёшли испаниялик голкипер ўз Instagram саҳифасида.