"Barselona"ning yangi darvozaboni Joan Garsiya o‘zining sobiq klubi "Espanyol" bilan xayrlashdi.
"Bugun men 15 yoshimdan beri faoliyat yuritgan klubim — "Espanyol" bilan xayrlashyapman.
Bu yillar davomida har kuni futbolchi va inson sifatida rivojlanishga harakat qildim. Har doim "Espanyol" darvozasini kamtarlik, fidoyilik va faxr bilan himoya qildim.
Jamoaga yordam berish uchun bor kuchimni berdim. Bu futbolkada maydonga tushish men uchun faqat o‘yin emas, balki mas’uliyat edi.
Bu qarorni qabul qilish oson bo‘lmadi. Sizdan uni tushunishingizni so‘ramayman, lekin bu qaror uzoq o‘ylab, o‘zim, oilam va kelajagimni hisobga olgan holda qabul qilinganini bilishingizni istayman. Bu — yakun emas, balki yangi bosqich.
Sizlar menga bu klubning muhim bir qismi ekanligimni his qildingiz. Bu yo‘l oson bo‘lmadi, lekin har bir daqiqa menga saboq bo‘ldi, o‘sishga yordam berdi. Shuning uchun yuragim to‘la minnatdorchilik bilan ketyapman.
Men bu ranglarni chin dildan himoya qildim va bu doim g‘urur manbai bo‘lib qoladi.
Endi esa oldimda yangi sinov turibdi. Uni katta ishtiyoq bilan, ammo orqamda qolgan klubimga hurmat bilan qabul qilaman.
Hammasi uchun rahmat. Albatta, yana ko‘rishamiz", - deb yozdi 24 yoshli ispaniyalik golkiper o‘z Instagram sahifasida.
