ФИФА клублар ўртасидаги жаҳон чемпионатининг янги форматига бўлган қизиқиш кутилганидан ҳам ортиб кетганини расман эълон қилди: 17 июнь ҳолатига кўра, 1,5 миллионга яқин чипта сотилган.
Турнир эндигина бошланди, аммо у аллақачон аншлаглар, ёрқин шоулар ва мисли кўрилмаган томошабинлар қизиқиши билан кенг кўламли футбол тадбирига айланиб улгурди, дейилади ташкилот хабарида.
- Клублар ўртасидаги янги жаҳон чемпионатининг ёрқин старт олиши бутун дунёда клублар футболига бўлган муҳаббатнинг яққол исботи бўлди. Турнирнинг дастлабки уч кунлик ўйинларига 340 мингдан ортиқ мухлис ташриф буюриб, трибуналарда ақлдан озган муҳитни таъминлади", - дея қайд этади ФИФА.
