"Ливерпуль"нинг уругвайлик ҳужумчиси Дарвин Нуньес ёзда клубни тарк этиши мумкин.
Инсайдер Фабрицио Романонинг маълум қилишича, "Наполи" тез орада футболчининг вакиллари билан музокараларни қайта бошлаш ниятида. Италия клуби бир неча ҳафтадан буён форвардни кузатиб келмоқда, аммо трансфер шартларини муҳокама қилишда ҳалигача олдинга силжий олмаяпти. Аввалроқ, "Ливерпуль" Нуньесни камида 70 миллион еврога баҳолаётгани ҳақида хабарлар тарқалган эди.
Уругвайлик футболчига "Наполи"дан ташқари Саудия Арабистони клублари ҳам қизиқиш билдирмоқда. Нуньеснинг трансфери муваффақиятсизликка учраган тақдирда, неаполликлар ҳужумни кучайтиришнинг муқобил вариантларини кўриб чиқмоқда - номзодлар орасида "Удинезе"дан Лоренцо Лукка ва "Манчестер Юнайтед" форварди Расмус Хёйлунн ҳам бор.
