"Вильярреал" клуби Испания ёшлар терма жамоасининг универсал вингери Альберто Молейро билан шартнома имзолаганини расман эълон қилди.
21 ёшли футболчи клуб билан 2030 йилнинг 30 июнига қадар шартнома имзолаган. Молейро аввалроқ тўп тепган "Лас-Пальмас" билан келишув "сариқ сувости кемаси"га 16 млн еврога тушган. Шунингдек, Канар клуби маълум шартларни бажарган тақдирда олиши мумкин бўлган икки миллион миқдоридаги қўшимча бонуслар ҳам назарда тутилган.
Молейро "Лас-Пальмас" тарбияланувчиси ҳисобланади. У асосий жамоа сафида 147 та ўйин ўтказиб, 13 та гол урган ва 14 та голли узатмани амалга оширган.
