Эрнан Креспо “Сан-Паулу” бошқарувига қайтди.
Аргентиналик мутахассис расман 2026 йилнинг 31 декабрига қадар шартнома имзолади.
У кетма-кет омадсиз натижалардан сўнг жамоани тарк этган Луис Зубелдия ўрнини эгаллади. 49 ёшли Креспо учун бу унинг "Сан-Паулу"даги биринчи тажрибаси эмас: 2021 йилда у аллақачон жамоа билан ишлаган ва сезиларли из қолдиришга муваффақ бўлган.
Унинг қўл остида клуб финалда "Палмейрас"ни мағлуб этиб, Сан-Паулу штати чемпионлигини қўлга киритди. Креспо бошқарувидаги 53 учрашувда 24 марта ғалаба қозонган ва бор-йўғи 10 марта мағлубият аламини тотиб кўрган.













