Мадриднинг "Реал" клуби дарвозабони Тибо Куртуа клублар ўртасидаги жаҳон чемпионатида "Ал-Ҳилол"га қарши ўйинда жамоа сафида дебют қилган Трент Александр-Арнольд ва Дин Хёйсеннинг ўйини ҳақида гапирди.
Бош мураббий Хаби Алонсо иккала янги футболчини ҳам асосий таркибда майдонга туширди. Англиялик футболчи 65-дақиқада захирага олинди, испаниялик футболчи эса ўйин охирига қадар ҳаракат қилди. Баҳс дуранг билан якунланди - 1:1.
"Бу Трент ва Диннинг биз учун биринчи ўйини, осон бўлмади. Менимча, улар яхши ҳаракат қилишди. Агар ечимини кутаётган қандайдир муаммолар бўлса, уларни видеоларда ўрганиб чиқамиз," - дея Куртуанинг сўзларини келтиради Madrid Universal.
