"Милан" вингери Рафаэль Леау "Ал-Ҳилол" қизиқишлар доирасига тушиб қолди.
Саудия клуби португалиялик футболчи учун "Бавария" ва Европанинг бошқа грандлари билан курашишга тайёр, деб хабар бермоқда журналист Николо Скира. Ар-Риёд клуби вакиллари аллақачон "россонерилар" юлдузи ҳақида маълумот сўраган. "Милан" футболчи билан хайрлашишни истамаяпти, шунинг учун у учун 90-100 млн евро талаб қилишади. 26 ёшли футболчининг ўзи фаолиятини Европада давом эттиришни режалаштирмоқда.
Рафаэль Леауга ҳамон асосий даъвогар сифатида "Бавария" кўрилмоқда, "Милан" муросага келишни истамаётганига қарамай, унга қизиқиш сақланиб қолмоқда. Вингернинг амалдаги шартномаси 2028 йилнинг ярмигача мўлжалланган.
