Дональд Трамп "Ювентус" билан учрашувда АҚШга қонуний кириш ҳақида гапирди.
Турин жамоаси клублар ўртасидаги жаҳон чемпионатининг биринчи ўйини олдидан Оқ уйда АҚШ президенти билан учрашди.
"Одамлар (мамлакатга) қонуний равишда келиши; керак. Орқамдаги йигитларга ўхшаб. Улар қонуний равишда келишлари керак. Қонуний келишса - бизга керак.
Улар Американи севишларини, мамлакатимизни севишларини айтишлари керак. Агар улар буни айтолмаса - улар бизга керак эмас," - деди Дональд Трамп ортидаги америкалик Уэстон Маккенни ва Тимоти Веа, сербиялик Душан Влахович, италиялик Мануэль Локателли каби футболчиларга ишора қилиб.
