"Атлетико" ва Аргентина терма жамоаси ҳужумчиси Хулиан Альварес клублар ўртасидаги жаҳон чемпионати гуруҳ босқичининг "Сиэтл Саундерс"га қарши иккинчи ўйини олдидан ўз фикрлари билан ўртоқлашди.
"Қолган иккита ўйинда ғалаба қозонишимиз керак. Ҳамма нарса ўзимизга боғлиқ. Жамоа жиддий, биз ҳақиқий ўйинимизни кўрсатиш учун ҳаракат қиляпмиз. Албатта, яхшиланиши керак бўлган жиҳатлар бор", - деди Альварес Ole билан суҳбатда.
"Атлетико" 20 июнь куни "Сиэтл Саундерс" билан ўйнайди. Ғалаба мадридликларга клублар ўртасидаги жаҳон чемпионати плей-офф босқичига чиқиш имкониятини сақлаб қолиш имконини беради. Аввалроқ, "Атлетико" "ПСЖ"га қарши ўйинда ўз дарвозасидан жавобсиз тўртта гол ўтказиб юборганди.
