Михайло Мудрикга допинг иши бўйича чора танлаш учун 20 кун бор.
"Челси" ва Украина терма жамоаси вингери допинг тести ижобий чиққани учун футболдан вақтинча четлаштирилди. Маълум қилинишича, Мудрик ноябрь ойида терма жамоада ўйнаганидан сўнг мелдоний учун тест ижобий чиққан - у ўшандан бери ўйнамади.
Кеча Англия футбол ассоциацияси футболчини антидопинг қоидаларини бузганликда айблагани маълум бўлди.
The Athletic таъкидлаганидек, Мудрикда 20 кун ичида тест натижалари ва кейинги жазони қабул қилиш ёки FAдан тинглов ўтказишни сўраш ҳақида қарор қабул қилиш керак.
Тўрт йиллик тақиқ энг ёмон сценарий бўлса-да, тўхтатиб туриш муддати енгиллаштирувчи ҳолатларга қараб бир ойдан икки йилгача бўлиши мумкин.
