"Кристал Пэлас" марказий ҳимоячиси Марк Гехи "Ливерпуль"нинг трансфер мақсадига айланди.
"Қизиллар" "Байер"га ўтишга яқин турган Жерел Куансани сотиб юборганидан кейин 24 ёшли футболчи билан кучайишга ҳаракат қилиб кўради. Журналист Крис Бескомбнинг ёзишича, айнан "Ливерпуль" Гехи учун курашда етакчилик қилмоқда, унга АПЛнинг бошқа грандлари ҳам даъвогарлик қилмоқда. Ҳозирча расмий музокаралар олиб борилмаяпти, бироқ, манбанинг таъкидлашича, мерсисайдликлар анча катта сумма таклиф қилишга тайёр.
Transfermarkt экспертлари Марк Гехининг нархини 45 млн еврога баҳоламоқда. Ўтган мавсумда марказий ҳимоячи "Кристал Пелас" сафида барча мусобақаларда 44 та ўйинда майдонга тушди, Англия терма жамоаси сафида эса 23 та ўйинда майдонга тушди.













