Флориан Вирц "Ливерпуль"га ўтишга яқинлашмоқда.
22 ёшли ярим ҳимоячи инглиз клуби учун тиббий кўрикнинг биринчи қисмидан муваффақиятли ўтди, дея хабар бермоқда Sky Sport журналисти Флориан Плеттенберг.
Текширувнинг иккинчи қисми жума куни эрталабга белгиланган. Шундан сўнг футболчи 2030 йилгача мўлжалланган шартнома имзолайди.
Аввалроқ, "Ливерпуль" Виртц учун "Байер"га 100 миллион фунт тўлаши кафолатлангани, яна 16,5 миллион фунт бонуслар кўринишида берилиши хабар қилинганди.
Флориан Бундеслиганинг ўтган мавсумида 31 та ўйинда майдонга тушиб, 10 та гол ва 12 та голли узатмага муаллифлик қилди.
