"Челси" бош мураббийи Энцо Мареска жамоа вингери Нони Мадуэкенинг клубни тарк этиши мумкинлиги ҳақидаги хабарга изоҳ берди.
"Нони - "Челси" футболчиси. Ҳозир футболчилар ва уларнинг келажаги ҳақида кўплаб тахминларни ўқиш мумкин, аммо Нони - бизнинг футболчимиз. Биз уни келаси мавсумдаги ўйинчимиз сифатида кўрмоқдамиз," - дея Маресканинг сўзларини келтиради Sky Sports.
Мадуэкенинг "Челси" билан амалдаги шартномаси 2030 йилнинг ёзигача мўлжалланган.
23 ёшли англиялик футболчи 2024/25 йилги мавсумда барча мусобақаларда 42 та ўйинда майдонга тушиб, 11 та гол урди ва 5 та голли узатмани амалга оширди.
