"Манчестер Юнайтед" ушбу трансфер ойнасида ҳужумчи Антони билан хайрлашмоқчи. Бен Жейкобснинг Х ижтимоий тармоғидаги маълумотига кўра, инглиз клуби 25 ёшли бразилияликни яна ижарага қўйиб юборишга тайёр эмас. Футболчининг ўзи ҳам жамоадан доимий равишда кетишни истамоқда.
Антонини 2024/25 йилги мавсумда ижара асосида ўйнатган "Бетис" футболчини доимий равишда ўз сафига қўшиб олмоқчи эди, аммо "МЮ" бразилиялик футболчи учун уч йил олдин тўланган сумманинг катта қисмини қайтариб олмоқчи. 2022 йилда Антони "Аякс"дан 95 миллион евро эвазига инглиз клубига ўтди.
Антони 2025 йилнинг январида "Бетис"га ижарага берилди. У Испания жамоаси сафида 26 та ўйинда майдонга тушиб, 9 та гол урган ва 5 та голли узатмани амалга оширган.
