"Галатасарой" клуби раҳбари Дурсун Ўзбек Миланнинг "Интер" клуби ярим ҳимоячиси Хакан Чалханўғлига қизиқиш бор-йўқлиги ҳақидаги саволга жавоб берди.
Сўнгги кунларда турли манбалар 31 ёшли футболчининг турк клубига ўтиши яқинлашаётгани ҳақида хабарлар тарқатди. Миш-мишларга ишонадиган бўлсак, хавбек бу таклифга аллақачон розилик билдирган.
- Чалхонўғли билан музокара? Аниқлик киритмоқчиман: бу трансферлар муҳокамаси эмасди. Дўстларим билан бирга эдим, улардан бири телефон орқали Хакан билан суҳбатлашди. Бу қисқа суҳбат, салом-алик эди. Бошқа ҳеч нарса," - дея Дурсун Ўзбекнинг сўзларини келтиради Fcinter1908.
Хакан Чалхонўғлининг "Интер" билан шартномаси 2027 йилгача мўлжалланган.
