Лондоннинг "Арсенал" клуби трансфер бозорида ҳужумни кучайтириш йўлларини излашда давом этмоқда.
"Канонирлар" қизиқишлари доирасига яна "Вест Хэм"дан Муҳаммад Қуддус тушди, уни узоқ вақтдан бери Микель Артета жамоасига ўтиши билан боғлашмоқда. Журналист Саймон Жонснинг ёзишича, "Арсенал" 24 ёшли "болғачилар" футболчисини сотиб олиш имкониятини муҳокама қилмоқда. Шунингдек, "Тоттенхэм" ва "Челси" ҳам ганаликга қизиқиш билдирмоқда.
Муҳаммад Кудуснинг нархи Transfermarkt экспертлари томонидан 45 млн еврога баҳоланмоқда. Ўтган мавсумда футболчи "Вест Хэм" сафида 35 та ўйинда 5 та гол ва 4 та ассистни ўз ҳисобига ёздириб қўйган.
