"РБ Лейпциг" клуби ҳужумкор ярим ҳимоячиси Хави Симонс Англия Премьер-лигаси клублари орасида жиддий талабга эга бўлиб қолмоқда.

22 ёшли нидерландиялик футболчига вақти-вақти билан Англия чемпионатининг деярли барча грандлари қизиқиш билдирмоқда. Асосий даъвогарлардан бири сифатида "Тоттенхэм" кўрилмоқда, журналист Бен Жейкобснинг ёзишича, у яқинда Симонснинг талаблари ва трансфер нархини билиш учун унга сўров юборган. Музокараларда олдинга силжиш ҳали кузатилмаяпти, аммо яқин келажакда вазият ўзгариши мумкин.

Машҳур Transfermarkt портали мутахассислари Хави Симонснинг нархини 70 млн еврога баҳоламоқда.