«ПСЖ» бош мураббийи Луис Энрике клублар ўртасидаги жаҳон чемпионати гуруҳ босқичининг 2-турида «Ботафого»дан учралган кутилмаган мағлубият (0:1) ҳақида фикр билдирди.
"Ўйин бошидан асабий кечди. Вазият яратишда қийналдик, рақиб эса уюшқоқ ва тажовузкор ҳаракат қилди.
Улар урган гол бироз ғалати бўлди, уларнинг одатий услубида эмас. Лекин бу "Ботафого"нинг ажойиб ўйинини инкор эта олмайди.
Тўғрисини айтсам, балки улар бу мавсумда бизга қарши ўйнаган энг кучли жамоалардан биридир", - дея испанияликнинг сўзларини келтиради Le Parisien.
