Уругвайлик ярим ҳимоячи Матиас Весино Римнинг "Лацио" клуби билан ҳамкорликни узайтирди. Бу ҳақда Италия клуби матбуот хизмати хабар бермоқда.
Томонлар 2026 йилнинг ярмигача мўлжалланган шартнома имзоладилар. Шартномада ҳамкорликни бир мавсумга узайтириш имконияти кўрсатилган. Весино "бургутлар" сафида 2022 йилнинг ёзидан буён тўп тепиб келмоқда.
Италия чемпионатининг ўтган мавсумида 33 ёшли ярим ҳимоячи 20 та ўйин ўтказди. Матиас 2 та гол ва 3 та голли узатмани ўз ҳисобига ёздириб қўйди.













