"Интер Майами" жамоаси бош мураббийи Хавьер Маскерано клублар ўртасидаги жаҳон чемпионатида "Порту"га (2:1) қарши ўйиндан кейин Лионель Мессининг аҳамияти ҳақида гапирди.
"Лео - бизнинг йўлбошчимиз. У жамоага чинакамига курашиш нима эканлигини кўрсатади. Ҳатто чарчаганида ҳам, лат еганида ҳам - у майдонда қолиб, ёрдам бериш учун ҳамма нарсани қиларди. Унинг кайфияти, ўйинга бўлган иштиёқи юқумли. У бизни етакламоқда. У билан бизда ҳар доим имконият бор," - дея аргентиналик мутахассиснинг сўзларини келтиради ФИФА матбуот хизмати.
