Лондоннинг "Челси" клуби етакчиларидан бири Коул Палмер нима учун АҚШда бўлиб ўтаётган клублар ўртасидаги жаҳон чемпионати - 2025га маскада учиб келганини тушунтирди.
"Менга самолётлардаги ҳид ёқмайди. Шунинг учун ниқоб тақаман. Шу холос. Бош мураббий бу жиҳатни билмайди, мен унга тушунтирганим йўқ," - дея ярим ҳимоячининг сўзларини келтиради The Sun таблоиди.
Ўтган мавсумда 23 ёшли ярим ҳимоячи "аристократлар"нинг 37 та ўйинида қатнашиб, 15 та гол ва 8 та голли узатмани ўз ҳисобига ёздириб қўйди.
