Лондоннинг "Вест Хэм" клуби форварди Муҳаммад Куддус бошқа инглиз клубига ўтиши мумкин. Guardian нашри тарқатган хабарга кўра 24 ёшли ганалик ҳужумчини "Челси" ўз сафига қўшиб олмоқчи.
"Аристократлар" африкалик футболчининг трансфери бўйича "болғачилар" билан музокарага киришди. Transfermarkt портали Кудуснинг бозор нархини 45 миллион еврога баҳоламоқда. Муҳаммаднинг "Вест Хэм" билан амалдаги меҳнат шартномаси 2028 йилнинг июнь ойи охиригача мўлжалланган.
Кудус Англия Премьер-лигасининг ўтган мавсумида 32 та ўйинда иштирок этди. Муҳаммад бешта гол урди ва учта голли узатмани амалга оширди.
