"Ботафого" сардори Марлон Фреитас клублар ўртасидаги жаҳон чемпионати гуруҳ босқичининг 2-турида "ПСЖ" устидан қозонилган ғалаба (1:0) ҳақида фикр билдирди.

"ПСЖ - ажойиб жамоа. Биз ғалаба қозониш учун одатдагидан кўпроқ ҳаракат қилишимиз кераклигини билардик. Кўпчилик бизда ғалаба қозониш учун 100 имкониятдан 1 та имконият бор деб ўйлаган бўлса керак.

Биз учун 1% жуда кўп. Либертадорес кубогида ҳам шундай бўлди, аммо биз ғалаба қозондик. Ҳикоя тугамади – биз уни ёзишни давом эттиришимиз керак”, деди Марлон.