"Интер Майами"нинг аргентиналик ҳужумчиси Лионель Месси клуб билан янги меҳнат шартномасини имзолайди. Бу ҳақда инсайдер Николо Скира хабар бермоқда.
Манбага кўра, 37 ёшли Мессининг "Интер Майами" билан шартномасини узайтириш якуний босқичда турибди. Таъкидланишича, янги келишув 2026 йил декабрига қадар мўлжалланган.
Месси 2023 йилда Америка клуби футболчисига айланди ва икки ярим йиллик меҳнат шартномасини имзолади.
Месси жорий мавсум барча мусобақаларда 22 та ўйинда майдонга тушиб, 16 та гол урди ва 6 та голли узатмани ўз ҳисобига ёздириб қўйди.
