Бугун тонгда "Бавария" ва "Бока Хуниорс" жамоалари Клублар жаҳон чемпионатининг C гуруҳида 2-тур ўйинини ўтказди. Учрашув немисларнинг 2:1 ҳисобидаги ғалабаси билан якунланди.
Аргентина жамоасининг ҳужумчиси ва ушбу ўйинда гол урган Мигель Мерентиэль мухлисларнинг ўз жамоасини қўллаб-қувватлаши ҳақида шундай деди:
"Агар биз Ойга учганимизда ҳам, "Бока" мухлислари у ерда бўларди".
Эслатиб ўтамиз, Аргентина жамоаси ҳозирда 1 очко билан гуруҳда 3-ўринни эгаллаб турибди. Сўнгги турда жамоа кейинги босқичга чиқиш имкониятини қўлга киритиши мумкин.
