"Ювентус" ва Франция терма жамоаси Мишель Платинини юбилей билан табриклади.

Бугун уч карра "Олтин тўп" соҳиби 70 ёшга тўлди.

"Қирол Мишель" 70 ёшда! Туғилган кунинг билан, Франция футболи афсонаси," - деб ёзади футбол бўйича Франция терма жамоаси ижтимоий тармоғида.

"Шунчаки қирол! Туғилган кунинг билан, Мишель," - дейилади "Ювентус" хабарида.

Платини футболчи сифатида Франция терма жамоаси сафида 72 та ўйин ўтказиб, 41 та гол урган. У Евро-1984 жамоаси билан ғолиб чиқди.

Мишель Турин клуби сафида 1982 йилдан 1987 йилгача ўйнаган ва 7 та соврин, жумладан, Европа чемпионлар кубоги ва иккита скудеттони қўлга киритган.

"Нанси" ва "Сент-Этьен" клубларининг собиқ футболчиси нафақага чиққанидан сўнг 2007 йилдан 2015 йилгача УЕФА президенти бўлган.