"Арсенал" "Реал" ҳужумчиси Родриго Гоэсни вингер Нико Уильямс ("Атлетик") "Барселона"га ўтишга яқинлашиб қолганидан кейин ўз сафига қўшиб олишни мақсад қилган. Бу ҳақда AS хабар бермоқда.

Манбага кўра, бразилиялик футболчининг Лондон клубига ўтишида унинг маоши катта тўсиқ бўлиши мумкин. Родригонинг "қаймоқранглилар" сафидаги маоши йилига 7-8 млн еврони ташкил этади, бу "Арсенал"нинг маошлар шкаласига тўғри келмайди. Бундан ташқари, инглиз гранди 24 ёшли вингернинг эҳтимолий трансфери учун 90 млн евродан кўпроқ тўлаши керак бўлади.

Ўтган мавсумда Родриго барча мусобақаларда 51 та ўйинда майдонга тушиб, 14 та гол ва 10 та голли узатмани амалга оширди.