"Arsenal" "Real" hujumchisi Rodrigo Goesni vinger Niko Uilyams ("Atletik") "Barselona"ga o‘tishga yaqinlashib qolganidan keyin o‘z safiga qo‘shib olishni maqsad qilgan. Bu haqda AS xabar bermoqda.

Manbaga ko‘ra, braziliyalik futbolchining London klubiga o‘tishida uning maoshi katta to‘siq bo‘lishi mumkin. Rodrigoning "qaymoqranglilar" safidagi maoshi yiliga 7-8 mln yevroni tashkil etadi, bu "Arsenal"ning maoshlar shkalasiga to‘g‘ri kelmaydi. Bundan tashqari, ingliz grandi 24 yoshli vingerning ehtimoliy transferi uchun 90 mln yevrodan ko‘proq to‘lashi kerak bo‘ladi.

O‘tgan mavsumda Rodrigo barcha musobaqalarda 51 ta o‘yinda maydonga tushib, 14 ta gol va 10 ta golli uzatmani amalga oshirdi.