"Барселона" бош мураббийи Ханс-Дитер Флик жамоага Нико Уильямс келганидан кейин қандай ўйин кўрсатишини аллақачон билади.
Каталония гранди "Атлетик"нинг 22 ёшли вингерининг трансферини якунламоқда. Журналист Фернандо Полонинг ёзишича, "кўк-анорранглилар" етакчиси ҳужум чизиғида Уильямсни чап томондаги одатий позицияга жойлаштирмоқчи, Рафинья Диас эса марказга, ҳужумчи остидаги позицияга ўтади. Ўнг қанотдан Ламин Ямал ўйинни давом эттиради.
Бундан ташқари, манба таъкидлаганидек, Флик "сохта тўққизлик" сифатида Дани Ольмога ишонишни режалаштирмоқда, Роберт Левандовскининг аҳамияти эса унинг ёши туфайли аста-секин пасаяди.













