"Бешиктош" ҳужумчиси Чиро Иммобиле тез орада А Серияга қайтиши мумкин.

35 ёшли футболчига "Болонья" қизиқиш билдирмоқда. Инсайдер Николо Скиранинг ёзишича, ҳужумчи ўз ватанида ўйнашни давом эттирмоқчи ва аллақачон "россонблу"га таклифни қабул қилишга тайёрлигини билдирган, бироқ маош масаласи муаммо бўлиши мумкин. Айни дамда Иммобиле йилига 6 млн евро атрофида маош олади, "Болонья" эса ундан уч баробар кам таклиф қилмоқда. Агар италиялик мураббий ён босишга рози бўлса ёки "Бешиктош" унга товон пули тўласа, трансфер амалга ошади.

Чиро Иммобиле "Лацио"даги саккиз йиллик фаолиятидан сўнг ўтган йилнинг июль ойида Туркияга кўчиб ўтган эди. Transfermarkt портали футболчининг нархини 2,2 млн еврога баҳоламоқда.